‘’Ministrja Kumbaro po kërkon që të centralizojë artin”, ky ka qenë alarmi i ngritur nga ana e regjisorit Kastriot Çipa në studion e ‘’Fax News”. Po ashtu ai u shpreh se Kumbaro po i kthen në komunizëm me vendimet e saj.
Ai u shpreh se teatri nuk duhet të lëvizë, dhe aty me shumë gjasa kërkohet që të ndërtohet një kullë e re.
Çipa pranoi më tej rrënimin e infrastrukturës së Teatrit, po kjo tha regjisori nuk e justifikon faktin që një vend me histori 70-vjeçare të zhbëhet.
“Bordet dhe kolegjiumet do ti emërojë ministrja. Nëse ky nuk është centralizim këtë mund ta thojë vetëm ministrja. Kjo ministre që është sot ka mbyllur qendrën e artit. Ministrja nuk përmend asgjë nga këto.
Nëse ka lehtësi procedurash atëherë lehtësohen drejtorët dhe jo artistët. Më vjen keq që duhet të flas në këtë gjuhë po ministrja po gënjen, duke qenë se nuk vjen në asnjë studio për debat atëherë më duket se po bëj telefonin e prishur.
Ka pasur një nismë që në vitin 1998, për të pasur një ndërtesë të për teatrin. A është gati projekti dhe fondi që ne të shpërngulemi në një vend tjetër?!
Është absurde që ta mendosh se pse kërkohet që artistët të largohen sot nga ndërtesa. Ke bërë një studim gjatë këtyre katër viteve, që iu thua artistëve që të largohen.
Ndërkohë që në qendër të Tiranës po ndërtohen dhjetra kulla, një prej të cilave po ndërtohet sipër teatrit kombëtar. Pas pesë vitesh nuk do të quhet më Teatri Kombëtar.
Ministrja ka pasur disa takime private me artistë dhe ka propozuar që të ketë një partneritet publik-privat, po kjo nuk mund të funksionojë. Ndërtesat nuk ruhen për infrastrukturë, po për histori”, u shpreh regjisori Kastriot Çipa.
Po ashtu duke iu referuar zgjedhjeve të reja për Teatrin Kombëtar, Çipa u shpreh se drejtori do të zgjidhet direkt nga ana e ministres.
Ditët e fundit një sërë artistësh, duke përfshirë dhe të madhin Robert Ndrenika kanë dalë kundër vendimit të Mirela Kumbaros dhe ndryshimeve në ligj.
(E.K/FAXWEB)
