Kreu i Komisionit Qendror të Zgjedhjeve, Ilirjan Celibashi, ka folur lidhur me procesin e regjistrimit të emigrantëve, në platformën online të KQZ, për të votuar në zgjedhjet e 11 majit.
Celibashi tha se partitë politike janë në të drejtën e tyre të nxisin dhe asistojnë votuesit, por duhet të tregojnë kujdes me përfitimin e të dhënave personale, pasi mund të përballen me përgjegjësi ligjore.
Kreu i KQZ ka thene se kërkesa në PER të bëhet individualisht nga secili prej votuesve. Partitë politike duhet të tregojnë kujdes sepse kanë përgjegjësi edhe ligjore për përfitimin e të dhënave personale që mund të përfitojnë gjatë këtij procesi edhe në mënyrë individuale.
“Procesi i regjistrimit është duke ecur sh mirë. Partitë politike janë të angazhuara në këtë proces. Ka element të caktuar, ku në mungesë totale të informacionit, kanë komentuar dhe kanë dhënë vlerësime që nuk kanë të bëjnë me faktet dhe të vërteta. Nuk kemi shqetësim përsa kohë e dimë shumë mirë se çfarë jemi duke bërë.
Kam vetëm një thirrje për partitë politike për të gjitha pa përjashtim janë në të drejtën e tyre të nxisin dhe asistojnë votuesit dhe mbështetësit e tyre për u regjistruar, por nuk duhet ta bëjnë ata këtë proces.
Procesi i regjistrimit në platformës është një proces që duhet të bëhet individualisht nga votuesit.
E kemi komunikuar këtë si shqetësim, nuk ka asgjë të keqe që nxisin dhe ftojnë në takime të përbashkëta për ti sqaruar se si bëhet procesi, por kurrsesi nuk do të duhet ta bëjnë ata procesin e regjistrimit.
Kërkesa në PER të bëhet individualisht nga secili prej votuesve. Partitë politike duhet të tregojnë kujdes sepse kanë përgjegjësi edhe ligjore për përfitimin e të dhënave personale që mund të përfitojnë gjatë këtij procesi edhe në mënyrë individuale“, ka thënë Celibashi.
