Ka nisur procedimi penal ndaj dy punonjësve të ZVRPP-së në Pogradec. Shtetasit N. SH. 33 vjeç dhe P. P. 26 vjeçe, akuzohen për shpërdorim detyre pas rastit të trasnmetuar në emisionin investigative “Fiks Fare”.
Dy punonjësit akuzohen se kanë shpërdoruar detyrën duke regjistruar pronën e shtetasit S. P. në emrin e një tjetër shtetaseje duke përdorur dokumentacion të fotokopjuar dhe jo original.
Detaje nga njoftimi i Policisë së Pogradecit
Procedohen penalisht dy punonjës të ZVRPP-së, për veprën penale “Shpërdorim detyre”. Specialistët e Seksionit kundër Korrupsionit, në Drejtorinë Vendore të Policisë Korçë, filluan procedimin penal në gjendje të lirë ndaj shtetasve : N.Sh, 33 vjeç, banues në fshatin Stropckë dhe P.P, 26 vjeçe, banuese në fshatin Çërravë.
Procedimi ndaj tyre, filloi pas pamjeve filmike të transmetuara në emisionin investigativ “Fiks Fare” më datë 11.01.2017, ku këta shtetas me detyrë specialistë pranë ZVRPP-Pogradec, dyshohet të kenë shpërdoruar detyrën duke regjistruar pronën e shtetasit S.P, në emrin e një shtetaseje tjetër, me dokumentacion të fotokopjuar dhe jo atë origjinal.
Materialet i kaluan Prokurorisë të Rrethit Gjyqësor Pogradec, për veprime të mëtejshme.
(XH.A/SHUPLAKA)
Discussion about this post