Ministri i Punëve të Jashtme, Ditmir Bushati, në një reagim në Twitter ka përshëndetur raportin pozitiv për Shqipërinë nga Komisioni Evropian.
Shefi i diplomacisë shqiptare shkruan se kjo është dita kur Shqipëria duhet të vijojë punën dhe të përveshë mëngët.
Në reagimin e ministrit nuk kanë munguar falenderimet edhe për eurokomisionerin për Zgjerimin, Johannes Hahn.
“BE rekomandon qartë dhe fort hapjen e negociatave për anëtarësim. Mesazh i qartë se reformat e thella dhe të pareshtura që kemi ndërmarrë për shtetformim, më në fund po japin fryte, dhe se rajoni është pjesë organike e Evropës. Kjo është një ditë për të përveshur mëngët dhe vijuar me punën e madhe. Faleminderit @ HR @ Hahn për angazhimin dhe mbështetjen tuaj në rrugëtimin tonë”, shkruan Bushati.
(F.G/Faxweb.al)
Discussion about this post