”Rekorde kriminale në Itali”, Rakipi: PD-ja s’ka ç’bën dhe merret me mua, të hetojë kush të dojë

Pas kërkesës së PD-së drejtuar KQZ-së dhe Prokurorisë për heqjen e mandatit të deputetit Aqif Rakipi, ky i fundit ka reaguar dhe ka thënë se nuk ka dijeni për këtë shkresë.

Ai thotë se ky është një sulm politikë se dhe kush të dojë të hetojë në lidhje me aktivitetin e tij.

“Unë s’di asgjë për këtë që po bën PD, s’kam dijeni për këtë kërkesë. Nuk kam asgjë për këto që pretendojnë ata, pra s’kam asnjë problem me drejtësinë italiane.

Janë thjeshtë sulme politike të PD e cila gjithë kohën thotë të njëjtat gjëra. Le të hetojë kush të dojë për personin tim. Do vijoj punën si deputet i qytetit të Elbasanit”, u shpreh deputeti i PDIU, Aqif Rakipi për ‘’ReportTv”.

“Nga të dhëna të bëra me dije në rrugë informate, eksiton dyshimi i arsyeshëm se subjekti Aqif Rakipi ndodhet në kushtet e ndalimit për të kandiduar dhe për t’u zgjedhur në një funksion të lartë publik, për shkak të rekordeve kriminale në shtetin italian”, thuhej ndër të tjera në kërkesën e PD.

(E.K/SHUPLAKA)