Rektori i Universitetit të Mjekësisë në Tiranë, Arben Gjata nuk e ka hedhur poshtë mundësinë që virùsi i ri me të cilin po përballet pjesa më e madhe e botës të rikthehet sërish në muajt e vjeshtës dhe të dimrit.
Në një intervistë për “Fax News”, u shpreh se vendi mund të përballet me një situatë tepër të vështirë, por ekziston shpresa që të ketë iláçe apo váksinë deri në atë kohë.
“Qytetarët të mos kujtojnë se çdo gjë ka marrë fund. Gjithmonë ekziston, njësoj si viruset e tjera, nga fundi i vjeshtës, fillimi i dimrit, ky virùs i ri të kthehet dhe mund të ndodhemi sërish në një situatë të vështirë pasi mund të kemi dhe virusin e gripit të zakonshëm dhe virusin Covid-19. Shpresoj që deri atë kohë të kemi mjekime. Shpresojmë të kemi dhe mënyra të tjera për tu mbrojtur, ndoshta do të kemi vaksinën. Paratë për mbështetjen e sistemit shëndetësor të mos kufizoheshin vetëm në situatë pándemie”, tha Gjata.
Sa i përket rikthimit të studentëve në auditore, Gjata u shpreh se ka qenë pjesë e rektorëve që ishin pjesë e mbledhjes së Ministrisë së Shëndetësisë që morën këtë vendim, të cilin e quan të duhurin.
“Ministria e Arsimit e ka marrë këtë vendim pasi është konsultuar me rektorët. Për ne është shumë e rëndësishme që studentët të diplomohen. Pritet edhe miratimi i Ministrisë së Shëndetësisë. Vetëm me aprovimin e tyre mund të fillojë zbatimi i urdhrit. Sot kemi bërë një rregullore për t’ia çuar universiteteve të tjera për të siguruar distancimin social që të ulet në minimum risku i infektimit. Çdo njeri sot, edhe kur shkon në një dyqan, e ka riskun e ínfeksionit sepse nuk e përjashton dot askush por brenda një risku minimal, besoj që ishte një propozim i bërë nga rektorët dhe një aprovim i duhur nga Ministria e Arsimit. Kemi bërë grup pune. Një pjesë e provimeve mund të bëhen online dhe një pjesë të bëhen në auditore”, u shpreh rektori.(A.M/Faxweb.al)
Discussion about this post