Sekretari i burimeve njerëzore në Prokurorinë e Përgjithshme i ka drejtuar një relacion kryeprokurores Arta Marku për vakancat në Këshillin e Lartë të Prokurorisë, pas shkarkimit të Gentian Osmanit.
Në relacion thuhet se brenda afatit janë depozituar dy kërkesa, nga prokurorët për të kandiduar në Këshillin e Lartë të Prokurorisë, Vladimir Mara dhe Esmeralda Keshi.
Sipas Porkurorisë së Përgjithshme këto dy prokurorë plotësojne kushtet ligjore për të kandiduar për Këshillin e Lartë të Prokurorisë.(Lexo këtu relacionin e plotë)
Vladimir Mara është një prej prokurorëve që ka nën hetim çështjen e ish-ministrit të Brendshëm Saimir Tahiri dhe dosjen e njohur me numrin “339”, që flet për skandale votash në qarkun e Durrës, e ku është i përfshirë edhe ish-kryebashkuaku Vangjush Dako.
Ndërsa kandidatja tjetër është Esmeralda Cami, drejtuesja e Prokurorisë së Dibrës, e cila e ka kaluar procesin e vettingut nga Komisioni i Pavarur i Kualifikimit dhe është konfirmuar në detyrë. Por, nëse ajo do të kërkojë një vend në SPAK, duhet t’i nënshtrohet edhe verifikimit në shkallën e dytë të vettingut.
