Drejtoresha e Qendrës së Leximit për Fëmijë Anisa Ymeri në një intervistë për Fax News ka folur në lidhje me nismën këto ditë që të gjithë jemi të izoluar në shtëpi nga pandemia e koronavirusit.
Ymeri tregon se ka vendosur që të krijojë një biblotekë “dixhitale” me lexime ku të gjithë fëmijët mund të lexojnë dhe të shkëmbejnë tituj të ndryshëm.
“Ne përpiqemi vazhdimisht që fëmijët ti çojmë pranë librit. Kjo situatë është më pak specifike nga shumë njerëz lindin detyra përtej normalitetit. Një ditë pasi vendi u fut në karantinë, unë mora një vendim nuk mendova se do të kishte një përhapje kaq të madhe. Unë vendosa që atë që bëja në bibloteke dhe librari, e bëra dhe në rrjet. Jemi në kushte kur kemi pafund libra në shtëpi, një pjesë janë të lexuara, dhe mundësitë për të pasur libra të rinj janë më të vogla se zakonisht. Kështu mendova pse jo që ti ndjamë të gjithë bashkë këto libra. Më vijnë shumë video fëmijësh që lexojnë nga shtëpia. Dhe kështu po krijohet një biblotekë dixhitale.
Unë e them shpesh pjesa më e madhe e njerëzve justifikohen kur thonë se fëmija im nuk lexon. Ne kemi probleme me prindërimin, jo se fëmijët nuk lexojnë. Pjesa më e madhe e tyre që e thonë këtë fëmijët as nuk i kanë parë me libër ndonjëherë. Ka disa mënyra sesi mund të afrohen, në shtëpi duhet të ketë libra. Që ti përdorimi dhe të mos jenë si aksesor. Kur nuk ka libra në shtëpi fëmija e kupton se kjo nuk është rutinë nuk është domosdoshmëri. Mënyrë tjetër do të ishte të shkosh në librari, në biblotekë. Leximi i prindërve me fëmijët është vendimtar, që ta shëndërrosh leximin në zakon. Duhet të preukupohesh që fëmija kontaktin me librin ta ketë të natyrshëm gjatë ditës.”- tha Ymeri.
