Rënditja e FIFA-s, Shqipëria humb dy pozicione

Kombëtarja Shqiptare e Futbollit ka zbritur dy vende në klasifikimin e FIFA-s gjatë muajit të fundit.

Kuqezinjtë e De Biazit pozicionohen në vendin e 51-të duke dalë kështu nga Top 50-ëshja më e mirë e botës. Nga ana tjetër në renditjen e UEFA-s, Shqipëria është e 28-a, ndërkohë që rivalët e saj në grupin e eliminatoreve të Botërorit 2018-ë gjenden në të njëjtat pozicione, përveç Lihtenshtejnit.

Në renditjen botërore, Spanja mban vendin e 10-të, Italia të 16-in, Izraeli të 55-in, Maqedonia të 162-in dhe Lihtenshtejni është ngjitur një pozicion më lart në të 188-in.

Përfaqësuesja e Kosovës ka humbur një pozicion në renditjen e muajit janar, duke qenë tanimë në vendin e 166-të në botë.

Për sa i përket majës së klasifikimit, renditja e FIFA-s kryesohet nga Argjentina, e ndjekur nga Brazili dhe Gjermania.