Rëndohet bilanci në Fier, u plagosën dy persona, ja kush është tjetri (EMRI)

Ka shkuar në dy numri i të plagosurve në Fier.

Së bashku me Agur Vrenozin, ka mbetur i plagosur edhe pronari i pikës së këmbimit valutor, Gëzim Hoxha.

Gazetari i Fax News, Edmond Hoxhaj raporton se ngjarja ndodhi në Fier, teksa disa hajdutë vodhën një pikë këmbimi valuator.

Agur Vrenozi, 52 vjeç ndërhyu të ndalonte hajdutët dhe përfundoi i plagosur me kallashnikov.

Vrenozi është pronari i një byrektoreje aty pranë.

Mësohet se 52-vjeçari është në gjendje të rëndë dhe është nisur drejt Spitalit Ushtarak në Tiranë për ndihmë të specializuar, kurse Hoxha është jashtë rrezikut për jetën.

Ndërkohë raportohet se policia ka kapur në kohë rekord dy nga hajdutët.

Autori ka braktisur mjetin në fshatin Baltes dhe është hedhur në lumë për të kaluar në anën tjetër.

Aty është bllokuar nga policia dhe i është sekuestruar edhe  një çantë me paratë që kanë vjedhur.

Policia ka arrestuar edhe një tjetër autor dhe është identifikuar i treti.

personi i shpallur në kërkim është shtetasi Denis Fyra, 40 vjeç nga Sevasteri i Vlorës.

Paraditen e sotme, disa persona të maskuar u futën në një pikë këmbimi valutor dhe vodhën një valixhe me para.

Si pasojë mbetën të plagosur dy personat e mësipërm.

(F.M/Faxweb)

https://www.youtube.com/watch?v=5TrNmbEh4P4