Nëse mendonit se gjendja e grevistëve në fshatin e Zharrëzës në Fier nuk është dhe aq e mirë, mendojeni dy herë. Gjendja është rënduar akoma më shumë.
Njërit prej banorëve i cili deri më tani ka qenë në grevë urie i ka rënë të fikët, për këtë është dërguar me urgjencë në spital.
Nisma Thurje ka shpërndarë një video nga ky moment i qytetarit, i cili shoqërohet me barrela për te ambulanca, e më pas niset drejt spitalit.
Pas kësaj ngjarjeje grevistët e tjerë i bëjnë thirrje kryeministrit Rama që të veprojë sa më shpejt, ndryshe do mbajë përgjegjësi.
“EDI RAMA DO MBASH PERGJEGJESI
Ky grevist u largua ne gjendje te fiketi. Ne Zharrez te gjithe jane ne gjendje te rende. Nese dicka u ndodh do te kete vetem nje pergjegjes. Ai qe hesht per te mbrojtur interesat e nje kompanie private e cila ne shkelje te ligjeve te ketij vendi po shkaterron pronat provate dhe rrezikon jete njerezish.
Turp dhe neveri!”, shkruan Nisma Thurje krahas videos.
Protesta e banorëve të Zharrëzës në Fier, ka nisur që pas raportimit për tërmet nëkëtë zonë, me datë 19 dhjetor.
Sipas banorëve, nuk bëhet fjalë për një tërmet natyror, por për shpërthim të një pusi nafte në puset që menaxhon kompania ”Bankers”. Ata ankohen për dëme të mëdha në shtëpitë e tyre.
Discussion about this post