RENEA aksion intesiv për kapjen e grabitësve, ja kush qëndron në krye të operacionit

Forcat RENEA janë duke kryer një operacion kërkimi për grabitësit e afro 10 milionë eurove në Rinas, në fshatin Dritas pranë Zallë Herit.

Burime bëjnë me dije se kontrollet po kryhen në mënyrë intesive dhe në krye të tyre qëndrojnë Gjovalin Loka dhe Alfred Çepe.

Që pas grabitjes të ndodhur dje rreth orës 15:00 Policia ka kryer kontrolle të imtësishme në fshatrat pranë Rinasit, po derimë tani nuk është gjetur asgjë e dyshimtë.

Punonjësit e forcave speciale kanë kontrolluar dhe disa banesa, të cilat kanë qenë të braktisura, dyshimet janë se autorët mund të kenë lidhje me banorë të zonës, ç’ka ka bërë që lëvizja e tyre nga zona e krimit të ketë qenë më e lehtë.

Kujtojmë se derimë tani nuk ka pasur asnjë reagim zyrtar nga ana e Policisë lidhur me këtë ngjarje trë rëndë që ka rriskuar jo pak sigurinë kombëtare.

I vetmi fakt i konfirmuar derimë tani është se grabitësi që u vra dje pas një shkëmbimi zjarri me policinë është Admir Murataj, një emër i njohur dhe për disa vjedhje të mëparshme në Rinas.

Familjarët e Muratajt hodhën dyshime se ai mund të jetë vrarë dhe nga vetë miqtë e tij.

Flet vëllai i Admirit, Cen Murataj: Nuk kemi asnjë informacion, dimë që shokët e vetë e kanë lënë aty. Nëse do të ishte organizator nuk do ta linin në rrugë. Do ta shohim tani se kush janë shokët që e lanë rrugës. Edhe po si gjeti policia ka mënyra të tjera.

I pyetur nga media se vegël e kujt, ai nuk ka ditur t’i japë një përgjigje. “Diçka duhet të jetë, organizatori nuk vritet, por nuk e dimë se nga është përdorur”.

Ju tha policia se si u vra, nga policia apo shokët?

Nuk kemi asgjë të saktë, dimë që thonë e kanë hedhur shokët e vet

Vëllai jetonte në Kamëz, por ishte në kërkim?

Nuk e besoj, unë prej dy vitesh nuk komunikoja më vëllanë

(E.K/FAXWEB.AL)