Në mbledhjen e Komisionit Parlamentar të Integrimit Europian, po zhvillohen diskutime mbi procesin e çeljes së negociatave me BE-në si dhe për shkarkimet masive të diplomatëve që janë bërë nga ana e Ministrisë për Europën dhe Punët e Jashtme (lexo këtu).
Ndërkohë kjo mbledhje është shoqëruar edhe me replika të ndërsjellta midis deputetes Rudina Hajdari, dhe ministrit në detyrë për Europën dhe Punët e Jashtme Gent Cakaj. Cakaj vlerësoi kontributin e paraardhësit të tij, Ditmir Bushati duke thënë se ai ka bërë një punë të jashtëzakonshme. Por Hajdari në një moment e ka quajtur Bushatin “djalë”, ndërkohë Cakaj i ka thënë se ai nuk është një djalë, por ka qenë ministër.
Hajdari: Zoti Cakaj duhet ta lini retorikën politike, sepse nuk jeni deputet. Ju thatë që shkarkimi apo transformimi. Me duket pak befasuese si arritët në këtë përfundim kaq shpejt. Ai djali tha kur u largua nga detyra se linte një ekip të aftë. A nuk po cënoni ju këta njerëz. Uroj që mos të jetë vendim politik.
Cakaj: Bushati nuk është një djalë, por ka qenë ministër. Një pjese e kuadrove duhet të vijnë në ministrinë ku ka vakanca. Për një pjesë të tyre është shkeputur marrëdhenia pasi kanë probleme me sjelljen e tyre. Dhe një pjesë e tyre kanë qënë shumë kohë në sistem dhe kanë bërë shumë pak. Pres që ju të jeni mbështetësja e parë. Dua të jem i kujdesshëm në komentet për opoziten se nuk dua të ndjek shembullin e tyre. Një veprim i tillë nuk kontribuon për hapjen e negociatave. Për ne është i rëndësishëm që të vazhdojë kursi i reformave.
(F.GJ/FAXWEB.AL0
Discussion about this post