Replikat mes deputetes Rudina Hajdari dhe kryeministrit Edi Rama për paketën antishpifje nuk munguan gjatë seancës së sotme plenare.
Teksa Rama i tha Hajdarit se ky ligj është edhe për të sepse ajo vetë ka qenë viktimë e mediave, deputetja i bëri një propozim direkt kryeministrit. Ajo i kërkoi që t’i lërë një javë kohë në dispozicion për të diskutuar me ekspertët për këtë paketë.
“Ja pra çtë bëjmë erdhi dhe kjo ditë që vajza e Azem Hajdarit të vijë e të mbajë fjalim këtu në Parlament. Unë kam një propozim zoti kryeministër. Kaloje këtë proces, më jepni një javë, të ulem dhe unë me disa ekspertë, të merrem, se dhe mënyra se si është bërë ky ligj, ka anashkaluar procedurat. S’është e mjaftueshme të dilni këtu e të thoni Komisioni i Ligjeve ka sjellë dëgjesat e duhura për ketë ligj se asnjë nga ato seanca nuk është marrë parasysh.
Opinioni ndërkombëtar, edhe sikur mos ta kisha lexuar unë ligjin, e ka thënë që ai ligj ka shumë probleme. Zoti Rama ju keni pasur disa rekomandime të qarta nga ekspertë të OSBE që ka thënë ti hiqni kompetencatqë i jepni AMA-s e AKEP. Disa janë ndjekur, disa jo ndaj zoti Rama nëse doni të tregoheni të hapur, tërhiquni nga ky ligj, na jepni një javë kohë, të bëjë ndryshimet e duhura”, tha Rudina Hajdari.
(M. I./ Faxweb.al)
Discussion about this post