Kandidati demokrat për deputet në njësinë nr. 4 në kryeqytet, Gent Strazimiri, ka reaguar ndaj thumbave të sotëm të kryebashkiakut Erion Veliaj në po këtë njësi, i cili u shpreh se nuk mund t’i jepet vota një personi që shkoi me pistoletë në dorë për të bllokuar parkun e liqenit.
Nga ana tjetër, Gent Strazimiri në kundërpërgjigjen e tij nga njësia nr. 4, shprehet se sot qëlloi përsëri me “armën” e tij në mitingun elektoral të Partisë Demokratike, “qëlloi” në emër të atyre që s’kërkojnë asgjë tjetër veç “na lini të punojmë”, “qëlloi” në shenjë e do vazhdojë sa kohë të ketë frymë.
“Sot qëllova përsëri me “armën” time në mitingun elektoral të PARTISË DEMOKRATIKE!
Qëllova me të vetmen armë që kam, atë që nuk e kap metal detektori i Patlamentit, e që i tmerron SUDEN, GRISELDIN dhe të gjithë kolegët e shokët e Prengës, Roshit, Frrokut e Shullazëve GJOBËVËNËS!
“Qëllova” në emër të atyre që s’kërkojnë asgjë tjetër veç “na lini të punojmë”!
“Qëllova” kundër GJOBËVËNËSVE që shtetin e kanë shndërruar në një bandë për të trembur njeriun e djersës, e për të majmur drogmenët, trafikantët e oligarkët!
“Qëllova” në shenjë e do vazhdoj sa kohë të kem frymë!”, shkruan Strazimiri.
(XH.A/SHUPLAKA)
Discussion about this post