Temperaturat u ulën ndjeshëm këtë fundjavë, ndërsa dëbora në zonat malore solli dhe problemet e para.
Meteoalb bën të ditur se reshjet e shiut dhe deborës do të vijojnë sonte gjatë natës dhe ditën e diel në zonat Jugore; reshje më të pakta do të ketë në zonat Lindore. Zonat Qendrore dhe Veriore paraqiten me reshje të izoluara.
E hëna përmirëson përkohësisht kushtet e motit por mbremja dhe e marta ri-sjellin reshjet në territor.
Temperaturat e ajrit mbeten të ulëta në fundjavë dhe të hënën ndërsa rritje graduale pritet për të martën dhe në vijim; më e ndjeshme në temperaturat minimale të cilat parashikohet të kalojnë në vlera mbi ZERO.
