Reshjet e dendura të borës kanë bllokuar Qafën e Plloçës në aksin rrugor Pogradec-Korçë. Sipas asaj që mëson Shuplaka, trashësia e borës në këtë segment rrugor arrin në 10 centimetra .
Problematike shfaqet gjendja edhe në fshatin turistik Dardhë, ku trashësia e borës arrin në 25 centimetra dhe automjetet mund të kalojnë vetëm me zinxhirë, ashtu si edhe Qafa e Qarrit që lidh Korçën me qytetin e Ersekës.
Probleme në qarkullim ka edhe segmenti rrugor Zëmblak-Prespë.
Sipas korrespodenteses së “Shuplaka” në Korçë, borë-pastrueset po punojnë për pastrimin e akseve rrugore, ndërsa reshjet e borës sa vijnë dhe bëhen më intensive.
Sipas Emergjencave Civile, në tre ditët e ardhshme pritet të temperaturat të shënojnë deri në -20 gradë celcius. (A.R/SHUPLAKA)
Discussion about this post