Ashtu siç ishte parashikuar, ndryshimi i menjëhershëm i motit ka sjellë dhe reshjet e para të dëborës në të gjithë vendin.
Fax News raporton se ka pasur reshje të dendura bore në fshatrat e Dibërës dhe Buqlizës, duke krijuar probleme në zonat e thella.
Ulja e temperaturave ka shkaktuar probleme në disa fshatra të Bulqizës. Ndërkohë që për shkak të reshjeve të borës janë hasur probleme në Lurë, Selishtë dhe në Kalanë e Dodës.
Meterorologët parashikojnë se jo vetëm kjo fundjavë, por edhe java që vjen do të nisë me reshje shiu dhe dëbore ne zonat malore, ndërkohe që temperaturat do të jenë të ulëta.
Fundjava paraqitet e paqëndrueshme, ku vranësirat do të jenë të pranishme në të gjithë territorin duke gjeneruar reshje dëbore në zonat malore dhe shira të dobët në pjesën tjetër, kryesisht në jug të vendit. Po ashtu, java tjetër do të nisë me reshje shiu e dëbore në zonat malore.
Temperaturat e ajrit vijojnë të ulëta deri nga e mërkura tjetër kur pritet rritje graduale e tyre.
(M.Q/Faxweb.al)
