Shi i dendur edhe sot pasdite në Elbasan. Prej disa minutash ky qytet është përfshirë nga stuhi shiu. Për pasojë uji ka vërshuar në rrugë duke përmbytur disa prej tyre e duke sjellë vështirësi në qarkullim. Pamjet që po shihni i përkasin rrugës së “Fushës së Loparit” që të dërgon në autostradën Elbasan-Metalurgji.
Megjithëse punojnë me kapacitet të plotë sistemi i pusetave dhe kanalizimeve, intensiteti ka qenë i madh dhe i papërballueshëm. Megjithatë pas pushimit të shiut rrugët janë kthyer në normalitet.
Sipas informacioneve të marra përmbytje ka pasur në disa fshatra të Elbasanit dhe të Cërrikut, veçanërisht në Klos ku përroi doli nga shtrati dhe përmbyti rrugën e të mbjellat.
Bashkitë dhe njësitë vendore po punojnë për normalizimin e gjendjes.
Discussion about this post