Si pasojë e reshjeve të dendura të dëborës, Policia Rrugore ka njoftuar se qarkullimi në autostradën Tiranë-Durrës do të kryhet me zinxhirë. Me qëllim shmangien nga aksidentet, Rrugorja ka apeluar që drejtuesit e mjeteve të tregojnë kujdes në lëvizje për shkak të ngricave në autostradë.
Edhe Ministria e Transportit dhe Infrastrukturës ka bërë thirrje që të bëhet kujdes në qarkullimin e mjeteve. Ajo ka bërë me dije se të gjitha strukturat janë mobilizuar me qëllim kalimin e kësaj situate.
“Ka rreshje dëbore në Shqiperinë e mesme, drejtuesit të përdorin zinxhirë. Ka pasur rreshje të konsiderueshme dëbore, të shmangen levizjet deri në normalizimim e situatës. Gjithe stukturat janë angazhuar maksimalisht per te kaluar situaten.”, njofton MTI.
Qytetet si Tirana, Durrës, Elbasani, Fieri, Shkodra, janë zbardhur gjithashtu nga dëbora. (XH.A/SHUPLAKA)
Discussion about this post