Reshjet e borës rrezik për aksidente, Bashkia e Pukës: “Nëse nuk ndërhyhet natën, nesër do të jetë vonë!”

Në qytetin e Pukës kanë nisur reshje të dendura të dëborës, duke u bërë një rrezik për qarkullimin rrugor të automjeteve.

Bashkia i bën thirrje Autoritetit Rrugor Shqiptar (ARRSH), që të ndërhyjë sa më shpejt për të mbajtur hapur rrugët në mënyrë që të mos përsëritet e njëjta situatë si në vitet e kaluara. Sipas bashkisë në fjalë, nëse nuk ndërhyhet që sonte natën, nesër do të jetë shumë vonë.

ARSH-së, bashkia i kërkon gjithashtu të marrë masa për aksin rrugor të Gjegjanit, pasi është ende pa mirëmbajtje.

Ndër të tjera bashkia u kërkon firmave të mirëmbajtjes të aktivizojnë mjetet dhe të dalin pranë akseve rrugore, në të kundërt do merren masa. (D.D/Shuplaka)