Reshjet e dëborës që kulmuan ditën e djeshme kanë mbuluar të gjithë vendin. Njëkohësisht kanë sjellë problem dhe në akset rrugore jo vetëm ato rurale po edhe ato nacionale. Nga komunikimi me specialistët e Drejtorive të Rajoneve, situata në akset kombëtare, paraqitet si më poshtë:
Në Rajonin Verior Shkodër: Kalueshmëria e akseve në këtë Rajon po shkon drejt përmirësimit. Kontraktorët janë dukë bërë pastrimin dhe hedhjen e kripës, në zonat ku ka ngrica.
Në Rajonin Qëndror Tiranë: Sot në shumicën e akseve të Qarkut Tiranë, qarkullimi kryhet me zinxhirë. Të bëhet kujdes në qarkullim sepse ka formim të akullit në rrugë. Kontraktorët janë duke punuar për pastrimin e rrugës dhe hedhjen e kripës në shumë zona si: Mbikalimi i Kasharit, Superstrada Tiranë – Durrës, etj.
Në Rajonin Jugor Gjirokastër: Në Qarkun e Korçës ka patur temperatura të ulëta deri minus 10 gradë. Përveç aksit të Dardhës, Voskopojës dhe Ersekë – Gërmenj, të gjitha akset e tjera qarkullohen pa zinxhirë. Në Qarkun e Vlorës Autostrada Vlorë – Levan dhe rruga e vjetër qarkullohen me zinxhirë. Po kështu qarkullohen me zinxhirë disa akse në Fier, Berat etj. Në të gjitha akset po punohet për hedhjen e kripës dhe pastrimin e akseve, nuk ka asnje bllokim te akseve kombetare. Po kështu edhe Tirana u gëdhi duke u zbardhur nga dëbora. Të gjithë trotuaret në kryeqytet të bllokuar nga dëbora.
Pukë: Akset rrugore nacionale janë të gjitha të kalueshme. Akset rurale veç Qelzës të gjitha të bllokuara. Temërtatura -10 gradë ka filluar të ngrijë tubat e ujëshellsit.
Fushë-Arrëz të angazhuar mjete për të hapur rrugët. (J.V/Shuplaka)
Discussion about this post