Orët e vona të pasdites së djeshme dita e sotme kanë sjellë reshje shiu, që sipas meteorologëve rrezikojnë të sjellin edhe përmbytje.
Sipas Institutit të Gjeoshkencave, Energjisë, Ujit dhe Mjedisit: dje pasdite vonë rifillojnë reshje, kryesisht në zonën jugperëndimore. Sot(dt.07) reshjet do të përfshijnë të gjithë territorin. Lokalisht, mbi 50mm/24orë në qarqet Shkodër, Lezhë, Fier, Vlorë, Gjirokastër, kryesisht në terrenet malore dhe pranë tyre.
Në fund të ditës së sotme ekziston mundësia e problemeve të përmbytjeve të vogla urbane, në varësi të gjendjes së rrjetit të kanalizimeve.
Temperaturat
Gjatë ditës së sotme, sipas IGJEUM, temperaturat ekstreme të ajrit pritet të luhaten:
Në bregdet: Temperaturat minimale do të zbresin deri në 12 °C, ndërsa ato maksimale do të ngjiten deri në 19 °C.
Në vendet e ulëta – përkatësisht 9 / 15 °C.
Në vendet malore – përkatësisht 5 / 11°C.
Ndërkohë Meteoalb parashikon që temperaturat e ajrit rriten ndjeshëm gjatë mëngjesit, por një rënie të lehtë sjellin orët e mesditës, si pasojë e vranësirave.
Era pritet të fryjë mesatare deri e fortë me shpejtësi mbi 60 km/h nga drejtimi permanent Jugor duke krijuar në det dallgë 5 ballë.
(E.K/FAXWEB.AL)
Discussion about this post