Reshjet nuk ndalen, Shkodra vazhdon të jetë e përmbytur, ja situata aktuale

Reshjet nuk kanë të pushuar dhe qyteti i Shkodrës vazhdon të jetë i përmbytur ende.

Fax News raporton se pas inspektimeve në terren të bëra nga Bashkia Shkodër, në Njësitë Administrative të përmbytura situata e përmbytjeve vazhdon të jetë në përkeqësim të vazhdueshëm.

Sipërfaqja totale e përmbytur ka arritur mbi 2050 Ha.

Deri në këto momente, janë mbi 560 ha tokë e përmbytur në Njësinë Administrative të Dajçit:

• Fshati Mushan (kënetë dhe argjinaturë) 200 ha,
• Fshati Shirq 200 ha,
• Fshati Suka-Dajç (kënetë) 60 ha,
• Fshati Dajç (kënetë) 60 ha,
• Fshati Darragjat 40 ha.

Gazetarja e Fax News, Emi Kalaja raporton se sipas informacioneve zyrtare nga Bashkia e Shkodrës, niveli i ujit ka pësuar rritje dhe ka tendencë rritjeje në mënyrë të vazhdueshme.

Kalimi bëhet i mundur me mjete të larta.

Nga përmbytjet janë dëmtuar kultura të dyta foragjere, jonxhe, bimë dekorative dhe të tjera.

Sipërfaqja e përmbytur e mbjellë me kultura bujqësore është si më poshtë:

1. Foraxhere dhe jonxhe 245 Ha;
2. Bime dekorative 5 ha;
3. E pakultivuar 310 ha; Në lagjen Zadrimë, në fshatin Shirq janë të bllokuara nga uji 17 familje dhe në fshatin Mushan 4 familje.

Kërkohet të ndërhyhet për lartësimin e argjinaturës së Pentarit afërsisht në 300 m gjatësi.

Në Njësinë Administrative Ana e Malit, situata vijon të jetë e përkeqësuar dhe paraqitet më e rënduar.

Në Obot kalimi bëhet i mundur vetëm me varka.

Niveli i ujit ka pësuar rritje dhe ka tendencë rritjeje në mënyrë të vazhdueshme.

Mbi 1200 ha tokë janë të përmbytura:

• Fshati Muriqan 420 ha,
• Fshati Oblikë 580 ha,
• Fshati Obot 200 ha.

Nga sipërfaqja e mësipërme, sipërfaqja e mbjellë me kultura bujqësore vlerësohet në 890 Ha , të shpërndara si më poshtë:

1. Jonxhe 713 Ha
2. Kultura të dyta foragjere 139 Ha
3. Grurë 5 Ha
4. Sera 3 Ha
5. Bimë dekorative 20 Ha
6. Vreshtë 1 Ha
7. Ullishte 2 Ha
8. Agrume 1Ha
9. Tunele 1
10. Pemëtore 3
11. Perime 2
12. E pakultivuar 310 Ha

Në njësinë administrative Ana e Malit Ujësjellsi Oblika1, si pasojë e përmbytjeve, është jashtë funksionit. Bashkia Shkodër me anë të dy mjeteve autobotë ka bërë dhe po bën furnizimin e banorëve me ujë të pijshëm.

Në njësinë administrative Bërdicë janë mbi 170 ha tokë e përmbytur e ndarë sipas fshatrave si më poshtë:

1. Fshati Trush 70 ha
2. Fshati Bërdicë e Madhe 50 ha
3. Fshati Bërdicë e Sipërme 50 ha Niveli i ujit ka pësuar rritje dhe ka tendencë rritjeje në mënyrë të vazhdueshme.

Nga përmbytjet janë dëmtuar kultura të dyta Jonxhe dhe foragjere 90 Ha 2, e pakultivuar 80 Ha

Në njësinë administrative Rrethina janë të përmbytura 120 Ha tokë e ndarë sipas fshatrave si më poshtë. Në fshatin Zues janë të përmbytura 70 Ha tokë nga të cilat 10 Ha ndodhen poshtë fshatit Zues dhe 60 Ha tokë e këtij fshati në fushën e Oblikës.

Edhe në zonën e Livadheve janë të përmbytura 50 ha.

Ndodhen 6 shtëpi me prezencë uji rreth tyre. Niveli i ujit ka pësuar rritje dhe ka tendencë rritjeje në mënyrë të vazhdueshme.

Në njësinë administrative Gur i Zi konstatohet fenomeni i erozionit në tokat bujqësore.

Vazhdon gërryerja e tokës në fshatin Juban, në afërsi të Malit të Vukatanës.

Specialistët tanë janë në terren, dhe po bëjnë vlerësimet e dëmeve të shkaktuara. Nevojat për bazë ushqimore për blegtorinë për zonat e përmbytura janë:

1. Koncentrat 10 t
2. Bar i thatë 10 t

Nga ana tjetër, duhet të merren masa për furnizim me klor për dizefektim për zonat e përmbytura pas tërheqjes së ujit.

Bashkia Shkodër ka bërë një shkresë publike drejtuar Ministrisë së Mbrojtjes ku ka kërkuar shpalljen e gjendjes së emergjencës civile në këto njësi pasi rrezikohet rëndë shëndeti dhe jeta e popullatës, gjësë së gjallë, pasurisë e mjedisit. Edhe pse jo kërkesë është përsëritur disa herë, akoma Bashkia Shkodër nuk ka një përgjigje zyrtare. Insistojmë në kërkesën tonë të vazhdueshme për shpalljen e emergjencës civile në një pjesë tëterritorit të Bashkisë së Shkodrës pasi situata e krijuar është rezultat i shkarkimeve të mëdha në sasi dhe për një kohë të gjatë në kaskadën e lumit Drin.

Bashkia Shkodër është e angazhuar në monitorimin dhe përgjigjen ndaj nevojave emergjente të banorëve.

(F.M/Faxweb)