Kryetari i Qeverisë të Federatës së Bosnjës e Hercegovinës, Fadil Novaliq, drejtor i drejtorisë për mbrojtje civile Fahrudin Solak dhe pronari i kompanisë “Mjedëra e argjend” Fikret Hoxhiq, janë arrestuar mbrëmë dhe janë marrë në pyetje në selinë e Agjencisë shtetërore për hetime dhe mbrojtje (SIPA) në kuadër të hetimit për aferën respiratorët.
Të mërkurën policia i ka marrë edhe telefonin kryeministrit Novaliqit për ekspertizë, pasi duhet të konfirmohet me kë ka kontaktuar ai për blerjen e respiratorëve.
Respiratorët kontestues u blenë nga Kina për 5.3 milionë euro, por janë të papërdorshme në repartet e kujdesit intensiv, kurse hetim duhet të përcaktojë sesi “Mjedëra e argjend” mund të importojë respiratorë kur ajo është e regjistruar si kompani e përpunimit dhe kultivimit të frutave dhe perimeve.
E ashtuquajtura “afera e frymëmarrësve” ka tronditur Federatën, më e madhja nga të dy njësitë në Bosnjë dhe ka ndryshuar përgjigjen e saj ndaj pandemisë koronavirus.
Federata është drejtuar nga një qeveri e përkohshme pasi zgjedhjet e fundit të përgjithshme u mbajtën në Bosnje në tetor të vitit të kaluar, pasi partitë kryesore ende nuk kanë rënë dakord për një koalicion të ri qeverisës.
Sipas Ligjit në Federatë, nëse kryeministri është i paaftë të kryejë detyrat e tij, zëvendësi i tij merr përsipër drejtimin e qeverisë. Zëvendës i parë i Novalic është Ministri i Financave Jelka MIlicevic, nga HDZ, dhe zëvendësi i tij i dytë është Ministri i Punës dhe Politikës Sociale Vesko Drljaca, nga Aleanca për një Ardhmëri më të Mirë, SBB.(M.Q/Faxweb.al)
