Nga Agim Xhafka
Më 18 qershor 2017 populli do shkojë në votime . Do të zgjedhë deputetët e vet. Por me këtë kod zgjedhor populli do e çojë votën tek personi që dashuron kryetari i partisë. Pra votohet i preferuari i Ramës, Bashës, jo i pëlqyeri i popullit. Njësoj si pas një dasme t’i thonë dhëndërit që ti do të jesh burri i nuses,por atë do ta ashtusë ai çuni me atë xhupin e zi.
Ndërsa çdo njeri ka të drejtë të zgjedhë e të zgjidhet në vendin tonë kjo realizohet po t’i pëlqesh kryetarit. Ndryshe nuk ke shancstë rregjistrohesh në KQZ. Prandaj kuvendi mbushet me horra, injorantë, tutorë e kriminelë. Se ata paguajnë e fitojnë imunitet për bëmat e ardhshme. Shkurt zgjedhjet në Shqipëri i ngjajnë një restoranti pa menu. Shkon me dëshirë,por do hash veç një gatim,atë që preferon kryetari. Nuk ke mundësi zgjedhjeje.
Në se Trump do vendoste të kandidonte tek ne nuk do e qaste KQZ. Do i kërkonin pëlqimin e partisë dhe kur ta mësonin se ai iu kundërvu edhe liderve partiakë atëhere do e izolonin e do e pergojonin pa pushim.
E shihni se sa vend demokratik që jemi! As deputetët e popullit nuk zgjedh populli. Veç shkojmë turma- turma në kuti që t’u bëjmë adetin kryetarëve të partive,të plotfuqishmëve të jetës sonë. Kush qenka sovrani,pra? Tre veta. Gënjejmë veten kur bërtasim se sovrani është populli. Populli është tufa e deleve, ha bar e hiç nuk qahet, hiç…
Discussion about this post