Reuters i ka kushtuar një shkrim çështjes së hapjes së negociatave me Shqipërinë dhe Maqedoninë nga BE.
Në shkrim thuhet se “Udhëheqësit e Bashkimit Evropian kanë rënë dakord të hapin bisedimet e anëtarësimit me Maqedoninë dhe Shqipërinë pranë fundit të vitit 2019, nëse të dy kandidatët e Ballkanit tregojnë përparim të mjaftueshëm në reformat gjyqësore dhe kundër korrupsionit”.
Reuters shkruan se marrëveshja midis ministrave të Europës për të shqyrtuar përparimin e Shqipërisë dhe Maqedonisë në qershor 2019 shërben për të çimentuar një kompromis midis qeverive të BE për të mbajtur gjallë shpresat e anëtarësimit në BE për vendet e Ballkanit Perëndimor.
“Në një deklaratë të samitit të premten, krerët e BE thanë se miratuan të martën një marrëveshje midis ministrave të Evropës të bllokut për të shqyrtuar përparimin e Shqipërisë dhe Maqedonisë në qershor 2019 dhe të hapnin bisedime në një konferencë deri në fund të vitit të ardhshëm.
Ndërkohë që nuk kishte debat mbi çështjen nga udhëheqësit në takimin e tyre dy-ditor në Bruksel, deklarata shërben për të çimentuar një kompromis midis qeverive të BE për të mbajtur gjallë shpresat e anëtarësimit në BE për vendet e Ballkanit Perëndimor, por kërkon reforma të mëtejshme përpara se bisedimet të fillojnë formalisht.
Franca dhe Holanda kërkuan më shumë përparim në disa sektorë, pavarësisht mbështetjes nga 25 vende të tjera të BE dhe Komisionit Evropian për të dhënë dritën e gjelbër për bisedimet e anëtarësimit me Tiranën dhe Shkupin.
Shqipëria, Bosnja, Kosova, Maqedonia, Mali i Zi dhe Serbia shpresojnë të bashkohen në Bashkimin Evropian dhe konsiderohen si anëtarë të ardhshëm.
Ndërsa bisedimet e anëtarësimit me Serbinë dhe Malin e Zi po zhvillohen, Shqipëria, e cila tashmë është anëtare e NATO-s dhe Maqedonia, e cila ka arritur një marrëveshje me Greqinë lidhur me emrin e saj. Ajo kishte fituar mbështetjen e Komisionit Europian, i cili rekomandoi që të hapen bisedimet e anëtarësimit”, shkruan Reuters. (B.H/Faxweb)
Discussion about this post