Revolta e fermerit ndaj qeverisë, denoncimi para protestuesve: Tentova të vras veten, më vunë 45 milionë lekë gjobë për 7 lopë

Në podiumin e protestës së opozitës foli edhe një inxhinier dhe sipermarres i një fabrike qumështi, i cili tregoi vështirësitë këtij sektori.
Ai tha se kjo qeveri nuk ka mbështetur sektorin e prodhimit duke bërë që shumë fermerë të mos shesin dot produktet e tyre.

Ai solli në vëmendje se Rama sot po i jep më shumë mundësi Serbisë, e cila sipas tij vijon të eksportojë qumësht pluhur drejt Shqipërisë duke vrarë punën e fermerit tonë.

“Babai im 100 vite më parë u kthye nga Tivari e përzunë malazezët dhe e kthyen në Durrës.
Kam fabrika qumështi sot me zor mbledh 600 litra qumësht, është qumështi pluhur që vjen. Duet të punojnë fermat e bujqësia jonë.

I them Edi Ramës sot nuk do isha këtu, do isha në botën tjetër se Tatimet për 2 fermerë me 7 lopë me kanë vënë 45 mln lekë gjobë dhe unë doja t’i jepja fund jetës. Jetën e kam nga djali e gruaja ime. Ju them të ecim para.

Lokomotiva e biznesit kërkon shina. Ka ngelur biznesi në ven. Nuk e zhvillojnë pallatet 50 kate, dot”, tha ai.