Genc Sejko, një nga organizatorët kryesor të protestës së Diasporës, i ftuar në Fax News, foli mbi historinë e 18-vjeçarit e cili e përloti dje para protestuesve.
Sejko u shpreh se revolta e tij nisi përkundrejt mediave të cilat nuk pasqyrojnë realitetin. Sejko deklaroi se kjo nuk është gazetari pasi banorëve po u prishen shtëpitë, ndërkohë Erion Veliaj del në televizion dhe mbjellë pemë.
“Ishte fjala ime para mediave. “Sa ja arrini qëllimin protestës!?” ishin pyetjet e gazetarëve. Revoltimi filloi me mediat. Realitetin e Shqipërisë emigrantët e shohin nëpëmjet mediave. Media është problemi kryesor sepse nuk reflekton Shqipërinë e vërtetë, protestën e Astirit, protestën e Teatrit, protestën e studentëve, përjashtuar Fax News dhe dy a tre media të tjera.
Ndërkohë që protestojnë banorët për shtëpiat, Erion Veliaj dilte në media dhe mbillte një pemë dhe ky është turp. Kjo nuk është gazetari. Po u prishen shtëpitë njerzve. Po dalin në rrugë. Ishte një moment që më mori situata. Por është tragjike kur sheh të rinj që duan të largohen. Problemi është se një grup shumë i vogël duan të pasurohen nga shqiptarët. Ajo çfarë e bën më të veçantë, historinë e Besit, ishte fakti që rrezikoi jetën për një të ardhme më të mirë. Besi është një djalë i ri. Punon ilegalisht në Londër. Varfëria e kishte detyruar që të merrte atë rrugë. Në atë situatë kam qenë dhe unë.”– u shpreh Sejko.
(M.Q/Faxweb.al)
Discussion about this post