Akademiku Rexhep Qosja është nderuar me titullin “Qytetar Nderi” i Malësisë së Madhe.
Në krah të ministrit Ditmir Bushati dhe kryetarit të Bashkisë së Koplikut, Qosja ka folur për përjetimet e tij për Malësinë e Madhe.
Akademiku ka folur edhe për bashkëpunimin rajonal dhe integrimin e vendit. Qosja ka kujtuar fjalët e të parëve për Shqipërinë, Shkodrën dhe Malësinë.
Për më shumë lexoni pjesë nga fjala e akademikut pasi mori titullin e nderit.
Rexhep Qosja:
“Ndihem i nderuar që marr titull nga Kopliku pasi prejardhja ime është nga Plava e Gucisë. U rritëm me përjetimet për Shkodrën që na flisnin baballarët si vendi ku kishin kaluar kohë të paharruara.
Shkodra për babain tim ka qenë vendi ku babai kishte eshtrat e prindërve të tij.
Baballarët na flisnin për Malësinë e Madhe dhe jemi rrit duke patur parasysh bjeshkët e mbuluara me dëborë.
Jemi rrit duke dëgjuar këngët e lahutës së Malësisë, dhe i patëm mësue përmendësh.
Malësia e Madhe është e madhe jo vetëm gjeografikisht por edhe me virtyte.
Gjuha është e veçantë që gjuhëtarët e quajnë gjuhë të fshehut. Ku mund t’i shërbejë filozofisë.
Gjergj Fishta i ka shpreh mjaft mirë. Koha e sotme po shtrihet për interesa të ngushta.
Ti shikojmë dhe dëgjojmë ato që ndodhin me jetën tonë sot.
Po bëhen veprime dhe qasje politike që nuk mund të shkojmë aty ku jemi nisur dhe na takon të shkojmë si komb.
Duhet të zgjedhim ku do shkojmë dhe jo të futemi rrugicave. Duhet të kemi 1 komb dhe jo dy kombe Shqiptari dhe Kosovë.
Duhet të heqim dorë nga lokalizmat dhe krahinizmat. Fqinjët ballkanikë na kanë bërë dëm.
Bashkimi i Shqipërisë është një shtet më i fortë dhe sedentohen çdo politikë sociale dhe ekonomike dhe qasje të barabarta për çdo qytetar.”
(F.G/Faxweb.al)
