Ambasada e Rusisë e akredituar në Tiranë ka reaguar në lidhje miratimin sipas saj të rezolutës për “ndërhyrje të huaj” duke thënë se, sa herë Rusia është akuzuar për ndërhyrje në punët e brendshme të Tiranës, ka pritur me padurim të paktën edhe një provë për këtë.
Më tej në reagim thuhet se ky është një strategji që politika shqiptare e ndjek për të justifikuar ‘përleshjet’ ekzistuese në politikën e brendshme ndërsa shton është për të ardhur keq që e gjitha kjo po ndodh dukshëm nën një marrëveshje të heshtur të Ambasadës së SHBA-ve.
Reagimi i plotë:
Koment i Ambasadës në lidhje me konferencën «US Policy in the Ëestern Balkans» dhe rritjen e histerikës antiruse
Jemi njohur me fjalimet e mbajtura nga folësit e konferencës «US Policy in the Ëestern Balkans», si edhe me planet e parlamentarëve shqiptarë për miratimin e rezolutës për “ndërhyrje të huaj”. Sa herë që jemi akuzuar për ndërhyrje në punët e brendshme të Tiranës, ne kemi pritur me padurim të paktën edhe një provë për këtë. Por, miqtë tanë shqiptarë nuk kanë mundur të paraqesin as edhe një provë. Është fatkeqësi që autoritet shqiptare trillojnë histori mitike për të justifikuar “përleshjet” ekzistuese në politikën e brendshme, nga të cilat ne qëndrojmë larg. Është për të ardhur keq që e gjitha kjo po ndodh dukshëm nën një marrëveshje të heshtur të Ambasadës së SHBA-ve (ah po, kjo nuk quhet ndërhyrje në punët e brendshme). Akoma më keq, pasi kemi dëgjuar argumentet e autorit të rezolutës, z. Ervin Bushati për një farë virusi, me anë të të cilit rusët mund të “infektojnë” gjithë kompjuterët në rajonin e Ballkanit, u bindëm për analfabetizmin kopjuterik të krijuesve të kësaj “vepre”.
Me këmbëngulje u rekomadojmë të lexojnë librin “Siguria Ndërkombëtare e Informacionit” të sapobotuar në Rusi të një prej specialistëve më të mëdhenj të MPJ-së ruse në këtë fushë.
(F.GJ/FAXWEB.AL)
Discussion about this post