Ndonëse Komisioni Qendror i Zgjedhjeve në Kosovë, ende nuk ka dalë në një konferencë për shtyp për të shpallur rezultatet përfundimtare të zgjedhjeve të 11 qershorit, gazeta “Express” shkruan se ka siguruar rezultatet e liderëve që kandidojnë për postin e Kryeministrit.
Referuar këtyre rezultateve, Albin Kurti rezulton të jetë lideri më i votuar për kryeministër në Kosovë në zgjedhjet e 11 qershorit me gjithsej 136.625 vota. Ai ndiqet nga kryetari i PDK-së, Kadri Veseli, që ishte edhe bartës i listës së koalicionit fitues të zgjedhjeve, PDK-AAK-Nisma, me 125.866 vota.
I treti renditet Avdullah Hoti. mandatari i koalicionit LDK-AKR, me 112.882 vota, ndërkohë që Ramush Haradinaj rezulton të jetë kandidati për kryeministër më pak i votuar. Kandidati i PAN ka mundur të grumbullojë 98.458 vota.
(XH.A/SHUPLAKA)
