Ambasadorja e Shteteve të Bashkuara të Amerikës në Tiranë, Yuri Kim, në një postim në rrjetet sociale, ka treguar se ka biseduar me Presidentin Ilir Meta, Kryeministrin Edi Rama dhe kryetarin e PD-së, Lulzim Basha.
Kjo bisedë e diplomates amerikane vjen në një kohë kur Shqipëria po përballet me njëpandemi globale.
““Fola me Ilir Metën, Edi Ramën dhe Lulzim Bashën për të lavdëruar udhëheqjen e tyre të unifikuar kundër COVID-19, dhe kjo gjë duhet të vazhdojë. Tani nuk është koha për politikë si zakonisht. Nuk mund të fitojë luftë pa unitet dhe disiplinë nga të gjithë liderët dhe të gjithë njerëzit, nga Shkodra në Sarandë”, shkruan Kim.
Ndër të tjera, Kim thotë se është e natyrshme që të ndihemi të lodhur nga masat e forta por duhet të vazhdojmë që të jemi vigjilentë. Për këtë shprehet se edhe ambasada amerikanë në Tiranë po bën punën e saj që të gjithë të qëndrojnë në shtëpi.
Kim thotë se ka falenderuar edhe ministren Manastirliu dhe punonjësit e shëndetësisë së Shqipërisë për luftën kundër Covid-19.
Ambasadorja thotë që është shumë e rëndësishme që të gjithë qytetarët të vazhdojnë të qëndrojnë në shtëpi.
Discussion about this post