Në kuadër të masave të marra nga qeveria shqiptare për riatdhesimin e shqiptarëve të mbetur jashtë kufirit ka ardhur sot pasdite edhe një tjetër avion nga Gjermania.
Bëhet me dije se kanë mbërritur edhe 131 shqiptarë nga Frankfurti, të cilët sipas vendimit të qeverisë do t’i nënshtrohen kontrollit mjekësor dhe më pas do të karantinhen për 14 ditë.
Një ditë më parë, u riatdhesuan 232 shqiptarë nga Roma e Bari. Ndërsa sipas datave të publikuara nga aviacioni civil, pritet që në datën 22 prill do të vijën të tjerë shqiptarë nga Londra, dhe shumë udhëtarë do të fluturojnë nga Tirana drejt kryeqyteti anglez.
Të gjithë të ardhurit janë karantinuar në hotele në Durrës. Fjetja u garantohet nga shteti, ndërsa ata paguajnë biletën e fluturimit, sipas destinacioneve dhe 7 euro në ditë për ushqim.
