52 shqiptarë pritet të riatdhesohen pas rreth gjysmë ore në aeroportin e Rinasit. Ata do të sillen në Shqipëri pasi qëndronin me dokumente të parregullta jashtë vendit.
Bëhet e ditur se 52 shtetasit shqiptarë të moshave të ndryshme, qëndronin në Belgjikë, Hollandë dhe Luksemburg, të papajisur me dokumentet përkatëse.
Riatdhesimi i tyre kryhet pas një operacioni të kryer nga Belgjika në koordinim me FRONTEX.
Ata pritet që të mbërrijnë rreth orës 13:30 në Rinas, ku raportohet se është e pranishme eskorta e përbërë nga punonjës të Policisë Kufitare shqiptare që do i shoqërojë ata. (XH.A/SHUPLAKA)
