Rihanna shpallet Humaniste e Vitit në Harvard

Këngëtarja me famë botërore Rihanna është përzgjedhur si humanistja e vitit nga Universiteti i Harvardit.

29-vjeçare do të marrë çmimin Peter J. Gomes Humanitarian Award në një ceremoni që do të mbahet në Cambridge të Massachusetts të martën e ardhshme, raporton Daily Mail.

“Rihanna në formë bamirësie ka ndërtuar një qendër të onkologjisë dhe medicinës nukleare për diagnostikimin dhe trajtimin e kancerit të gjirit në Queen Elizabeth Hospital në Bridgetown të Barbadosit”, ka thënë S. Allen Counter, drejtor i Fondacionit të Harvardit.

Ky çmim i rëndësishëm nuk është i vetmi për 29 vjeçaren. Vitin e kaluar këngëtarja u shpërblye edhe me çmimin për vepër jetësore në MTV Music Awards, duke u bërë kështu një ndër këngëtaret më të vlerësuara. (J.V/Shuplaka)