E gjithë vëmendja e qeverisë gjermane tashmë është tek siguria në vend. Vetëm një ditë më parë u rritën masat e sigurisë në këtë shtet pasi një 24-vjeçar me emrin Anis Amri shkaktoi masakrën e së hënës në Berlin ku humbën jetën 12 persona dhe u plagosën 49 të tjerë.
Ditën e sotme kancelarja Angela Merkel dhe ministri i brendshëm Tomas de Maziere konfirmuan se në kabinën e kamionit u gjetën gjurmët e gishtërinjve të Anis Amrii, terroristit. Policia gjermane gjithashtu është angazhuar krejtësisht në kërkim të tunizianit. 4 persona janë vënë në pranga si të dyshuar se kanë lidhje me personin më të kërkuar të momentit në Europë por autori kryesor ende nuk është kapur.
Sakaq në Berlin është rihapur tregu i Krishtlindjeve ku ndodhi masakra. Qytetarët kanë mbushur tregun, në shenjë rezistence ndaj akteve terroriste.
Anis Amri kishte përdorur 6 identitete të ndryshme gjatë qëndrimit në Gjermani, duke u shpëtuar autoriteteve gjermane. Ai ka qenë gjithashtu i denuar me 4 vjet burg ne itali pasi në vitin 2012 kishte djegur një shkollë, raporton Associated Press. Anis Amri është një i droguar me sjellje të dhunshme dhe se është radikalizuar gjatë emigrimit në Europë. Për kapjen e 24-vjeçarit tunizian nga qeveria gjermane është vendosur një shpërblim prej 100 mijë eurosh kush jep informacion për vendndodhjen e tij. (J.V/ Shuplaka)
