Do jetë i fundit në planin e rihapjes, a i ka marrë masat e duhura transporti publik? Flet kreu i Shoqatës

Me rënien e kurbës pándemike në Shqipëri, qeveria ka filluar planet për rihapjen e vendit.

Që prej datës 4 maj ka filluar një rihapje e ngadaltë duke vijuar më pas edhe me datë 18 maj që u shoqërua edhe me një zgjatje të fashës orare në lëvizje.

Shumë shërbime dhe subjekte janë hapur ndërsa transporti publik do jetë i fundit që do hapet ka bërë me dije kreu i ekzekutivit Rama. Mjetet e transportit urban në Tiranë, të parkuara prej 2 muajsh, janë gati për të rinisur punën.

“Ky është modeli që operatorët e transportit urban propozojnë duke ju përmbajtur masave ndaj Còvid -19. Po ende nuk ka zyrtarisht një protokoll sigurie dhe një datë se kur do të rihapet ky shërbim”.

Distancimi social detyron uljen e numrit të pasagjerëve.

“Me masat e Còvid-it mund të futen vetëm 24 pasagjerë. Është e detyrueshme përdorimi i maskave dhe dorezave”, thotë Rixhin Qoshja, kreu i Shoqatës Kombëtare të Transportit Urban.

Po sipas tij vetëm bileta elektronike do të shmangte kontaktin e fatorinos me udhëtarët. Të ardhurat e operatorëve të transportit publik janë nga biletat dhe abonetë mujore, ndaj ulja e kapacitetit të udhëtarëve do të përkthehej në humbje për ta.