Rikandidimi i Dakos në Durrës! Rama i del në mbrojtje por nuk e deklaron. Përmend edhe Niçen

Kryeministri Edi Rama zhvilloi një takim pasditën e sotme në Durrës në kuadër të programit “Bashkia që Duam”, por pavarësisht se Vangush Dako shprehu dëshirën për një rikandidim, kreu socialist nuk deklaroi ndonjë konfirmim siç ka bërë në disa bashki të tjera të vendit si ajo e Tiranës dhe Fierit.

Kryeministri përmendi punën e Dakos në krye të bashkisë duke shprehur vlerësime të mëdha, por pavarësisht se foli gjerësisht për zgjedhjet e qershorit, ai nuk dha asnjë sinjal nëse Dako do të rikonfirmohet apo jo.

“Ne jemi duke u përgatitur për zgjedhjet e 30 qershorit, do shkojmë për ato shumë gjëra që duhet të bëjmë. Përpara 4 vitesh ju kemi thënë do zgjidhet problemi i kanalizimeve dhe do jetë drejt zgjidhjes furnizimi me ujë dhe kjo ka ndodhur”.

Pati një moment kur Rama i doli në mbrojtje kryebashkiakut aktual ndaj akuzave të opozitës se Dako ka bashkëpunuar me kriminelë për të vjedhur vota, duke kujtuar fitoret që Vangjush Dako ka marrë edhe kur në qeveri ka qenë Partia Demokratike.

Rama bëri edhe ironi herë pas here duke ju thënë të pranishmëve se nuk duhet të dëgjojnë opozitën sa ju përkety zgjedhjeve të parakohshme, duke  këmbëngulur se asgjë nuk i pëngon zgjedhjet e qershorit.

“Kështu që mos dëgjoni jo po do bëhen zgjedhje të parakohshme, jo po do shtyhen, jo po do vijnë ndërkombëtarët do thonë meqë po qan Luli jepi biberonin. I dhamë 15 biberonë para dy vitesh, ai prapë nuk rritet. Le të rrijë në rrugë dhe të forcohet të bëhet gati më 2021. Se dëgjova dhe këtë juristin Bylykbashin jo nuk hyjmë në zgjedhje: Ti mos hy se i humbur del prapë. Ne do i bëjmë zgjedhjet si me ata, si pa ata. Sa herë ju ka rraf Dako kur e kishit ju qeverinë? Na u bë Niçja si Pavarotti. Niçja ishte me ju, Niçja dhe shumë të tjerë po kjo nuk na shqetëson. Nuk është detyra jonë të rrisim opozitën. Vazhdojmë rrugën përpara për Durrësin që duam”, thja Rama.

Kujtojmë se emri  i Dakos u përmend në përgjimet e Prokurorisë, në investigimin e Zërit të Amerikës që thoshte se Dako e falënderonte një prej të arrestuarve të grupit të drogës “Avdylajt” e Shijakut, “Nicen” për mbledhjen e votave.

Dako nga ana e tij  shprehu dëshirën për të punuar akoma më shumë për Durrësin, por emri i tij nuk pritet të jetë më kandidat për kryebashkiak pasi Partia Socialiste ka bërë propoyimin që të mos rikandidohen ata kryebashkiakë që kanë mbi tre mandate në kry e të bashkive.

(F.GJ/FAXWEB.AL)