Pothuajse 157 azilkërkues shqiptarë janë rikthyer nga vendet e BE-së, ku kishin kërkuar azil për motive Ekonomike/shëndetësore.
Ndërsa brenda 24 orëve të fundit janë ulur në Rinas 3 chartera, me shtetas shqiptarë të kthyer nga Gjermania dhe Franca.
Numrin më të madh të shtetasve të atdhesuar e mbajna ata që vijnë nga gjermania, ku raportohet se kanë mbërritur 131 persona dhe 26 nga Franca. Frontex në bashkëpunim me Policinë e Shtetit, Policinë Franceze dhe Gjermane ka organizuar tre fluturime me charter për të riatdhesuar shtetasit shqiptarë që kishin kërkuar azil në këto vende.
Po ashtu Policia e Shtetit po bashkëpunon ngushtësisht me të gjitha policitë partnere për të riatdhesuar të gjithë ata shtetas që kërkojnë azil në vendet e BE-së. Masat shtesë të marra në fillim të muajit Gusht kanë sjellë një rënie të shtetasëve që kërkojnë të shkojnë në vendet e BE-së me qëllim kërkimin e azilit.
Ndërkohë Policia e Shtetit i’u bën thirrje “Të gjithë atyre që tentojnë apo përpiqen të gjejnë rrugë të ndryshme , të mos bien pre e mashtrimeve , të mos bëjnë shpenzime të kota, pasi shanset për azil në vendet e BE-së janë zero. Të gjithë ata shtetas që kërkojnë një shkollim më të mirë, që duan të gjejnë punë të ligjshme, kanë të gjitha mundësitë dhe rrugët ligjore për ti kërkuar në vendet e BE-së” thuhet në njoftimin e Policisë së Shtetit.
(S.SH/Shuplaka)
Discussion about this post