26 tonët me mish pule të kapur para disa kohësh në Durrës janë kthyer mbrapsht pasi përmbanin salmonella.
Mësohet se AKU pasi ka konstatuar përbërësit e rrezikshëm ka vendosur që mishi të mos hyjë në tregun shqiptar.
Mishi ka ardhur nga Brazili dhe do të shkojë në vendin e origjinës. AKU shton se ka ndjekur të gjitha procedurat e nevojshme.
Rreth 26 ton mish pule të rezultuara me prezencë të salmonelës dhe të ardhura nga Brazili u bllokuan në pikën kufitare të Durrësit.
Ngarkesa me mish pule me origjinë nga Brazili, e importuar nga një kompani private, mbërriti në Shqipëri më datë 3 maj 2017. Nga kjo ngarkesë e bllokuar u morën mostra për t’u analizuar pranë ISUV.
Rezultatet e dala më 10 maj ka nxjerrë se mishi i pulës kishte prezencë të salmonelës.
(M.D/Shuplaka)
