Rikthehet debora ne veri, zbardhet edhe Dardha dhe Vithkuqi

Janë rikthyer reshjet e dëborës në qarkun e Korçës mbrëmjen e djeshme. Mësohet se reshjet kanë filluar në lartësitë mbi 1200 m.
Reshjet janë regjistruar në fshatrat e Dardhës dhe Vithkuqit, ndërsa sipas informacioneve intensiteti i tyre është i ulët.
Borëpastrueset, firmat kontraktore kanë zbritur në terren për pastrimin dhe kriposjen e rrugëve.
Vlerat e temperaturave qëndrojnë në 2 gradë, ndërsa pritet që dëbora të vijojë. Aktualisht trashësia e dëborës shkon deri në 5 cm.
Temperaturat e ulëta gjatë fundjavës kanë risjellë sërish borën në veri të vendit.
Reshjet e borës kanë vazhduar gjatë gjithë natës duke e zbardhur totalisht aksin Tamarë-Vermosh. Në Qafë Thore raportohet se trashësia e saj ka arritur deri mbi 50cm.
Ndërkohë borëpastrueset kanë punuar pa ndërprerje për pastrimin e akseve dhe qarkullimin e automjeteve pa probleme.
Rekomandohen që përdoruesit e rrugës, të lëvizin me shpejtësi të reduktuar.