Rikthehet dhuna në familje në kryeqytet, arrestohet nusja 39-vjeçare që rrahu keq vjehrrin, në pranga dhe një burrë që dhunoi bashkëshorten

Dhuna në familje ka regjistruar dy raste të reja në kryeqytet gjatë 24 orëve të fundit.

Policia e Tiranës ka arrestuar ditën e sotme një 39-vjeçare me inicialet M.T. pasi ka ushtruar dhunë fizike ndaj vjehrrit të saj. Gjithashtu në pranga ka rënë edhe një 41-vjeçar, i cili ka ushtruar dhunë fizike dhe psikologjike ndaj bashkëshortes së tij.

Njoftimi i plotë i policisë: Nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetases M. T., 39 vjeçe, pasi ka ushtruar dhunë fizike ndaj babit të bashkëshortit të saj.

Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit S. K., 41 vjeç, pasi ka ushtruar dhunë fizike dhe psikologjike ndaj bashkëshortes së tij.(F.M/Faxweb.al)