Luana Vjollca prej kohësh verën e ka të zënë me koncerte të shumta brenda dhe jashtë Shqipërisë, por dikur këngëtaren dhe moderatoren vera e gjente duke prezantuar.
Për katër sezone nga 2012-ta deri në 2015-tën Luana ka prezantuar emisionin “Summer Fest” në Top Channel, emision i cili përshkonte trevat shqiptare duke sjellë muzikë. Në sezonin e fundit bashkë prezantuese ishte edhe Marina.
“Prive.al” bën të ditur se “Summer Fest” do të rikthehet pas katër viteve ndërprerje dhe koncertet do të nisin muajin tjetër. Mirëpo këtë herë emisioni nuk do të jetë në prezantimin e Luanës.
Bëhet e ditur se prezantues të “Summer Fest” do të jenë Nevina Shtylla dhe Flori Gjini.
