Ditëve të freskëta u ka ardhur fundi, i nxehti afrikan do mbërrijë sërisht në Shqipëri. Të paktën kështu paralajmërojnë sinoptikanët.
“Territori shqiptar do te mbetet nen ndikimin e masave ajrore te nxehta e te thata nga Veriu i Afrikes deri ne mesin e javes tjeter duke diktuar ne territor mot kryesisht te kthjellet dhe temperatura shume te larta, maksimalisht deri ne 39 grade Celcius”- shkruan Meteoalb.
Sinoptikanët parashikojnë që moti i nxehtë afrikan tashmë do të rikthehet kryesisht në Evropën Jugore, ndërsa temperaturat e larta janë rikthyer në Spanjë për të vijuar më tej në Itali dhe vendet e tjera përfshirë edhe Shqipërinë.
Megjithatë, temperaturat deri në fund të korrikut nuk pritet të jenë po aq ekstreme sa ishin ditët e fillimit të muajit.
Sipas parashikimit të Meteoalb, gjatë kësaj jave deri më 23 korrik, moti do të jetë i kthjellët dhe me vranësira kalimtare, ndërsa në zonat veriore dhe lindore do të preken nga shira të pakët.
“Temperaturat të hënën dhe te martën mbeten thuajse konstante ndërsa pritet rritje të lehtë e graduale nga e mërkura dhe në vijim duke bërë që fundjavën e ardhshme, termometri te ngjitet mbi 35 grade C”, bën me dije Meteoalb. (D.D/Shuplaka)
Discussion about this post