Lëvizje të forta kanë ndodhur mes prokurorëve në vend. Ramadan Troci është rikthyer në Prokurorinë e Përgjithshme. Troci deri më sot ka mbajtur postin si Drejtues i Prokurorisë në Vlorë, raporton “Fax Neës”.
Por drejtuesi i Prokurorisë së Rrethit Gjyqesor Fier, Ardian Ylli është emëruar si Drejtues i Prokurorisë së Rrethit Gjyqesor Vlorë. Në vend të tij komandohet zëvendesdrejtuesi aktual i Prokurorisë së Fierit, Pali Decolli.
Ramadan Troci, nga Dibra, është një personazh jo i panjohur për publikun shqiptarë. Emri i tij u lakua në media dhe në opinionin publik kur firmosi urdhrin për arrestimin e ish-Guvernatorit Ardian Fullani pas skandalit në bankën qëndrore ku u vodhën 713 milionë lek, çfarë bëri madje që në rrjetet sociale ai të quhet edhe hero, pasi dukej sikur ishte rrëzuar miti I të paprekshmëve.
Por Ramadan Troci edhe pse deri në atë kohë jo aq i njohur kishte pasur edhe më parë çështje të rëndësishme. Ai kishte firmosur më parë edhe urdhër- arrestin për ish- drejtorin e INUK, Zyhdi Dajti, ndërsa kishte në dorë çështje të rëndësishme si refuzimi i urdhër- arresteve për 21 janarin, ku të akuzuar ishin ish- drejtori i policisë së Tiranës, Hysni Burgaj dhe ish- zëvendësi i tij, Agron Kuliçaj. Ai ka hetuar gjithashtu edhe aksidentin e Sokol Olldashit.
Nuk dihet ende se çfarë po përgatit Prokuroria e Përgjithshme dhe nuk dihet nëse do të ketë apo jo arrestime politikanësh.
Së fundmi vendi është përfshirë nga skandale ku dyshohen edhe për implikime politikanësh si çështja Tahiri.
Po kështu një tjetër gjyqtar, Shkëlqim Miri sot u shoqërua nga policia, pas kontrollit në shtëpinë e tij ku iu gjetën rreth 300 milionë lekë të vjetra.
Sipas gjykatësit Miri, shuma e gjetur nga policia është si rezultat i kursimeve. Miri dyshohet për ndryshimin e akuzës ndaj një të dënuari për vrasje me dashje dhe armëmbajtje pa leje, kundrejt përfitimit financiar. (B.H/Faxweb)
Discussion about this post