Këngëtarja e mirënjohur Nexhmije Pagarusha, e cila i ka munguar prej vitesh skenës shqiptare, pritet që të vijë tek publiku me një projekt sa tërheqës edhe të veçantë.
Bëhet fjalë për një bashkëpunim me këngëtaren Yllka Kuqi, këngë që do u kushtohet nënave. Vetë “Bilbili i Kosovës” është shprehur për këtë projekt muzikor në një intervistë të dhënë për “Telegraf”.
“Nuk e di a ka ndonjë njeri të paprekur nga ata që e kanë përjetuar vdekjen e prindit, në veçanti të nënës, ideja për këtë këngë më ka mahnitur shumë, ndaj dhe ftesën e Yllkës e kam mirëpritur me kënaqësi. Tekstin e këngës e ka shkruar vajza e një shoqes sime të ndjerë, me të cilën kam pasur një miqësi shumë të mirë, ndërsa Yllka e ka kënduar në mënyrën më të mirë të mundshme.”, është shprehur Nexhmije Pagarusha. (XH.A/SHUPLAKA)
Discussion about this post