Është rikthyer për gjykim çështja “Veliera” në Durrës që do të gjykohet tashmë në themel në Gjykatën Administrative. Mësohet se një ditë më parë, palët kanë paraqitur dokumentacionin përkatës në seancën përgatitore.
Shoqëria Civile, Bashkia e Durrësit, ministria e Kulturës dhe firma ndërtuese kanë paraqitur dokumentet me pretendimet përkatëse.
Përfaqësuesi i shoqërisë civile, Sazan Guri tha se “ne do ta vazhdojmë këtë betejë dhe gjykimi në themel është sukses i qëndresës sonë”, përcjell “DurrësLajm”. Ndërsa avokatja e Shoqërisë Civile, u shpreh se në rast të moszgjidhjes së kësaj çështje në gjykatat shqiptare, do i drejtohen Strasburgut.
(XH.A/SHUPLAKA)
Discussion about this post