Për t’ju shmangur sadopak axhendës së ngarkuar politike, të ndodhur në këtë ‘prag’ fundjave, emisionin e sotëm moderatori Rezear Xhaxhiu ia ka kushtuar pikërisht kulturës.
Duke vendosur t’i shmangi zhurmat me shumë zhurëm, këtë të premte veçse kulturës, Xhaxhiu ia ka dedikuar ekzaktësisht komedisë teatrale të Shekspirit të madh me veprën e tij “Shumë zhurmë për asgjë”.
Vepra e cila ka qenë luajtur në mars, rikthehet sërish në skenë po në teatrin Eksperimental, mirëpo këtë herë të dielave dhe për të folur më tepër rreth saj, i ftuar në një bisedë në studio ka qenë pikërisht regjisori i njohur shqiptar dhe njëkohësisht drejtori i teatrit Kiço Londo.
Sipas Londos fenomeni që ka bërë që kjo komendi t’i mbijetojë kohës për shekuj me rradhë ka qenë pikërisht Shekspiri duke shtuar se kjo është një nga 3-4 veprat më brilante të tij. Sipas regjisorit: “Kjo është një nga komeditë më brilante të tij e cila ka ardhur në një mënyrë shumë origjinale në Teatrin Eksperimental nga Shaka Luga, i cili është një njeri shumë familjar.”
I pyetur se si ra në gjurmë të Shaka Lugës, një arkitekt i cili bënë regjisurë, Kiço Londo përgjigjet se Luga është fëmija i një regjisori, ku i ati i tij ka qenë regjisor dhe nëna e tij ka qenë për një kohë të gjatë kostumografe teatri në Napoli dhe Genova, gjë e cila e ka tërhequr atë drejt artit.
Sipas Londo veprat e Shekspirit janë marrë nga diku, mirëpo e veçanta tyre qëndron tek ndërthurja brilante e elementëve të tyre. Po ashtu ai thotë se e veçanta e Shaka Lugës është se edhe ka ditur që me këtë kryevepër të Shekspirit të krijojë disa meshkuj të cilët do të vinin rrotull në një botë femrash, gjë e cila është edhe çelësi i tij.
“Kjo është një skenë bosh ku ajo çfarë kemi janë thjesht disa tapete dhe dy çadra në fund të saj. Ajo çfarë ka bërë shunë mirë Shaka Luga është ndërthurja brilante e aktorëve në skenë.”
Londo shprehet se vepra është e ndërtuar mirë dhe nga pritshmëritë do të vijoi të luhet në teatër jo vetëm për këtë sezon, por edhe sezonin tjetër së bashku me një tjetër vepër “Jul Çezarin”. Përmes këtij punimi sipas Londos, për regjisorin kjo është një komedi romantike, por që ka për pjesë të saj edhe një tisë, një fije tragjedie.
Mirëpo, është Shekspiri apo komedia? Çfarë e kanë bërë shumë të dashur dhe të pëlqyet këtë vepër gjatë vënies në skënë aqsa ta rikthente sërish. Sipas, Londos pavarësisht gjithçkaje thelbi është Shekspir. Ai shprehet se veprat e Shekspirit kanë një farë kulture, dhe se janë të dëgjuara më parë nga njerëzit të punuara nëpër shkolla saqë individët kanë një lloj ideje, pregatitje se për çfarë bëhet fjalë.
Këtë javë Teatri Eksperimental këtë javë kap një numër 400 të shfaqeve, dhe për këtë arsye jo vetëm “Shumë zhurmë për asgjë, por edhe një sërë veprash të tjëra do të luhen në një cikël nga e diela në të djelë, ku paradite do të ketë shfaqe për fëmijë dhe pasdite shfaqe për të rritur.
I pyetur nëse situate e rënduar politike ka ndikuar në spektatorin, Londo shprehet se: “Ka një situatë të koklavitur politike në vend, dhe në faktë politika na ka marrë disa gjëra me të padrejtë. Na i ka vjedhur. Për shembull në përpiqemi me Shekspirin, me “Shumë zhurmë”, me “Oscar Wilde”, me “Jul Çezar”, por politika në mënyrë tinzare na ka vjedhur fjalën. Nuk është puna për të vjedhur fjalën sepse fjala nuk është nonjë monopol i lartë, por e zhvlerëson fjalën. Na ka zhvlerësuar politika momentalisht me dëshpërim komunikimin, njerëzoren dhe sinqerisht është detyra e teatrit të marrë rolin në dorë dhe të fitojë rolin e liderit në shoqëri. Teatri Kombëtar Eksperimental po përpiqet ta bëj këtë gjë, falë projekteve të shumta kur repërtori i këtij viti ka qenë me 5 vepra të mëdha.”
Pavarësisht ankesave se politika ka zhvlerësuar fjalën Londo tregon se pikërisht numri i qyetarëve të cilët marrin pjesë për të parë shfaqe në teatër është rritur goxha kohët e fundit, deri në rreth 12% jo vetëm në Teatrin Eksperimental, por edhe tek art Turbina. “Publiku e do teatrin e mirë dhe është detyra e teatrit të gjej mënyrën për të shkuar tek publiku. Publiku nuk gabon asnjëherë”, këto janë pikërisht fjalët e drejtorit të Teatrit Eksperimemtal, Kiço Londo.
Madje ai nuk heziton të akuzojë teatrin si përgjegjës se pse publiku ka humbur vëmendjen tek ky institucion. Sipas Londos teatri shqiptar është një teatër veshi, jo një teatër i vërtet dhe në shumicën e rasteve që pas ’90 teatri u largua nga politika por që nuk arriti dot të fitonte terren ndaj saj, pra të ketë avantazh, mirëpo tani ai duhet të rimarri rolin e tij.
Gjithashtu, Londo shprehet se një ndër arsyet se pse teatri ynë nuk zgjon një sërë mendimesh është sepse ai është kthyer në një teatër komunal dhe se ka mungesë fondesh.
Discussion about this post