Thiago Silva drejt rikthimit te Milan: ëndërr apo realitet? Një argument të cilit mbrojtësi brazilian nuk mundi dot ta shmangë, i intervistuar në zonën miks pas fitores së Brazilit me rezultatin 5-0 ndaj Perusë në Kupën e Amerikës.
“Për momentin nuk mendoj për një rikthim të mundshëm, jam i përqendruar vetëm te Kupa e Amerikës. Do të ketë kohë për të menduar për të ardhmen. Natyrisht që me kuqezinjtë jam shumë i lidhur”, u shpreh Thiago Silva.
“Askush nuk harron gabimet e bëra në të kaluarën. Tani kemi një shans fantastik për të bërë një paraqitje të mirë në Kupën e Amerikës. Duhet të vazhdojmë përpara kështu. Me Argjentinën në çerekfinale? Për mua nuk përbën problem. Kur jemi mirë, mund të luajmë dhe të fitojmë ndaj të gjithëve”, u shpreh mbrojtësi i PSG, që ka një mesazh edhe për Neymar: “Shpresoj që të vazhdojë të qëndërojë në qendër të projektit të Paris Saint-Germain”.
Discussion about this post